الخسران
احمد علوي12 بيت
- 1كيفه هو الخسران، ماني أنا الخسران◆كلٍ على اصله يبان وشهو معدنه
- 2ماشاف إلا الطيب، وفيني قام ايعيب◆والعيب ف اهل العيب مو فيني أنا
- 3هوا اللي خسر، و راح يشرب م البحر◆راح و بيرجع من الله عطشان
- 4وياما فالبشر ناس تطعن فالظهر◆عدوان لكنهم في ثوب خلان
- 5وشلون بس شلون اللي حسبته عون◆فجأه طلع فرعون ومن أيده الأذى
- 6خلى عيوني تشوف غدره على المكشوف◆ومن قلة المعروف شلي بياخذه
- 7اللي ماوفى واللي قلبه ماصفى◆ماعلى مثله حسافه أو لوم
- 8تونا نعرفه، و تو ربي يكشفه◆و تو طلع وجهه الحقيقي اليوم
- 9مجروح وفيني احساس ظلم وندامه وياس◆صدمة اعز الناس صدمه مؤلمه
- 10ايقولو غلطه اتفوت، ولا منها حد يموت◆وتنهد ياما ابيوت واهلها سالمه
- 11غلطه عن عشر، وغلطة الشاطر تضر◆لكن اتصحي وتعلم ادروس
- 12و من ينوي غدر فيه دنياه اتغدر◆والله العالم شتخبي النفوس