حظى حلو
احمد علوى14 بيت
- 1حظي حلو لاني هويتك◆عمري حلو جنبك فديتك
- 2وفرحان فيك من كل قلبي◆لاني أخيرا لقيتك
- 3عمري بدى يحلى ويحلى◆عمري فدا لك عمري كله
- 4ادخل بقلبي وتفضل◆شرف البيت بيتك
- 5وياحظي فيك قرة عيني◆عسا اهنيك يا مهنيني
- 6عسانا في محبة دوم◆أنا أبيك وانت تبيني
- 7كافي علي والله أمانك◆ماهو شوي عندي حنانك
- 8اسمح لي بس أهديك قلبي◆والقلب أصلا مكانك
- 9وأهدي ضوى عيني هديه◆ما أبي سوى ترضى عليه
- 10حتى ولو تطلبني روحي◆ممنون خذها عشانك
- 11يوم المنى يوم اللي تضحك◆جنبي هنا من كل قلبك
- 12كل ما يذوب قلبك سعادة◆أكثر وأكثر أحبك
- 13ايوه كذا تحلى حياتي◆ايوه كذا وانت غناتي
- 14ايوه خلاص كل ما أتمنى◆عشته ولقيته في قربك