هيفا
احمد عبد الحق10 بيت
- 1الليل يا هيفا بلقياك جاني◆في زحمة انواره و انا اخترت دنياك
- 2ليل شبيه الصبح مر و خذاني◆كنه محا ليلٍ قضيته بلياك
- 3اهلاً هلا بالصبح لا مر عاني◆جاني يهلي بي يقول ألف حياك
- 4مثل البخت سير علي بمكاني◆حطك وسط عيني و للعين هياك
- 5الورد لك بادلني أحلى تهاني◆اقبل يعطرني بطيفك و طرياك
- 6يا هلال عيدي يا ابتسامة زماني◆العيد كل الوقت لى صرت وياك
- 7حتى النسيم اللي ترنم أغاني◆يكفيني إنه منك يحمل هداياك
- 8يا نورك اللي عن هواهن دعاني◆لا في سنا ذيا و لا نور ذياك
- 9إن ضاع لي دربٍ فلا درب ثاني◆و احلى العمر يبدا مع يوم لقياك
- 10انتي و لا غيرك كما الليل جاني◆العين قرت يوم انا اخترت دنياك