مثل الوهم
احمد عبد الحق10 بيت
- 1مثل الوهم بين الهواجيس خداع◆مثل التعب لا صرت بالمشي مجبور
- 2مثل الظمأ يرسم جفافه علي القاع◆مثل السهر في ليلةٍ مابها نور
- 3هذا الهوى واللي يجاريه يلتاع◆يصبر علي حمل من الضيم والجور
- 4عيبك بخيل وعيب مغليك طماع◆ومايرتوى لو يرتوى فيض وبحور
- 5لو نتفق بالحب نفرق بالاطباع◆لابد ماتلقى عذاريب وقصور
- 6كم عاذلٍ يركض ورى البعد سراع◆ما يختلف بالطبع عن شاهد الزور
- 7ماني بلباس للوفاء وجه وقناع◆كرمت نفسي لو يقولون مغرور
- 8اما تساعدني على حل الاوضاع◆ولا تجنبني وعلى الخير مذكور
- 9واليوم لاتبكي علي الحب لا ضاع◆باكر ولايمديك تجبير مكسور
- 10ياصاحبي وان عود الحب خداع◆بانسى التعب وامشى بلا قلب مجبور