افترقنا
احمد بن ظاهر11 بيت
- 1افترقنا وانكسر خاطر وخاطر◆وانت قلبك ما رحم قلب عليل
- 2في عيوني كم الم خافي وظاهر◆والرضا في بسمة شفاتك دليل
- 3بالسلامه روح يا غادر وغادر◆وين ما حبيت ونويت الرحيل
- 4دام قلبك صار على النسيان قادر◆القدر ما احد يرده مستحيل
- 5كل شي في الكون له اول واخر◆والوفي يحفظ من الذكرى جميل
- 6كل واحد له احاسيس ومشاعر◆بس احد وافي واحد قاسي بخيل
- 7كم وكم لأجلك تحديت المخاطر◆ما هقيت انك تبدل بي بديل
- 8ما اريدك بعد هجرانك تبادر◆بالوصال وتذكر اني لك خليل
- 9قلبي اللي كان في حبك يفاخر◆ما وقف دمه من طعونك يسيل
- 10كيف ترحم وانت لك قلب يكابر◆حتى ولو دمي على كفك يسيل
- 11مستعد اخسر حياتي واي خاطر◆بس اموت بعزتي وما احيا ذليل