صبرت اليوم والليله
احمد الناصر الشايع5 بيت
- 1صبرت اليوم والليله = ولا جتني مراسيله = وانا مافي يدي حيله = وروحي منه تعبانه◆انا مقوى العزى دونه = وروحي فيه مفتونه = اشوف الموت بعيونه = اشوفه بين حجانه
- 2زريف الطول ما شفته = ولالي بالهواء لفته = تعب قلبي وكلفته = عليه العين ولهانه◆بكت عيني من الفرقا = وحبه بالحشا يرقا = عليه اجاوب الورقا = عقب صده وهجرانه
- 3دخيلك يابعد روحي = تراني منك مجروحي = مريض الحب مايوحي = يابو عينين فتانه◆علامك يانظر عيني = تبعدني وتدنيني = وتذبحني وتحليني = خطا وش هو علاشانه
- 4انا ودي تصارحني = لصار الحب ذابحني = ابي كلمه تفرحني = وتحيي القلب واغصان◆قليل اشكال بالديره = ولو هو يحسن السيره = اذا وازنت به غيره = رجح بالبيض ميزانه
- 5متى ماغبت يالغالي = افكر ياهواء بالي = واقول ان البلد خالي = تقل مافيه سكانه◆متى يازين تسعفني = ترى حبك مكلفني = عسى الله منك ينصفني = عليك النفس مشتانه