توقعت
احمد المسافري8 بيت
- 1توقعت ما تصبر ولا تقدر النسيان◆وسوّيتها فيني صبر قلبك القاسي
- 2أنا ما توقعتك ولكن بان الآن◆على كثر ما أحبك تهاونت باحساسي
- 3ترى قلبي المجروح لو كان مهما كان◆يكابر على جرحه ولا ينحني راسي
- 4ترى مقبل الآيام يطلع من الخسران◆واعلمك عن صبري واعلمك عن باسي
- 5رحيلك بلا كلمة وصدّك بلا حسبان◆يجي يوم للذكرى واذكّرك لو ناسي
- 6ابا اترك لك الدنيا واطلعك م الوجدان◆وعن كتمة الضيقه ابا احس بأنفاسي
- 7ترى ما بها رجعة ولا فرصة السمحان◆وحرفك وما تذكره وما ضم كرّاسي
- 8ابا ارميلك الذكرى على لوحة النسيان◆تسلّى على الذكرى ولا تزعج انعاسي