تمتع
احمد الصانع12 بيت
- 1مافيه غيرك إنشغل فيه بالي◆لا والذي سوى عيونك وأبدع
- 2حيّاك إدخل وسط قلبي يا غالي◆ودامك في قلبي يا حبيبي تمتّع
- 3خايف أغمّض ما أشوفك قبالي◆والعين من إحساس هالخوف تدمع
- 4عطني همومك يا سبب إنشغالي◆وإنته في قلبي يا حبيبي تربّع
- 5هذي بداية حب والعشق تالي◆ياللي خفوقي في غرامك تولّع
- 6مَ أهتم في غيرك ولا صرت أبالي◆جنّنتني والعقل بالحب مَ ينفع
- 7الحب لك في واقعي وفي خيالي◆وقلبي أناني فيك وبالزود يطمع
- 8لا تقول طوّلنا وتعد الليالي◆اللي يحب مهما عطيته مَ يشبع
- 9إن قلت إسمي قلت يا ويل حالي◆في صوت عالي عيد لنّي مَ أسمع
- 10حبّيت إسمي يوم قلته يا غالي◆ودخلت قلبي ومنّه ما راح تطلع
- 11القلب بيتك وأصلاً البيت خالي◆سوّه على كيفك وذوقك تمتّع
- 12إسمي حبيبك وإنته إسمك حلالي◆إي والذي سوى عيونك وأبدع