سندريلا
إكرامي قورة28 بيت
إهداء
بسمتى فى وقت فرحى وسلوتى فى وقت ضيقى
- 1كان على رأى المثل◆رُبّ واحد تلتقاه يصبح شقيقك
- 2أمك إنت ما ولدتوش◆تتحوج بعنيه يساعدك
- 3تنضرب يجرى يحوش◆كان يقول لى :
- 4كل ما اتمناه يا صاحبى◆لقمتين من عيش بلدنا وسندريلا
- 5كنت أقوله :◆سندريلا يا مغفل دى بقت زوجة الأمير
- 6كان يرد ودمعته تلخبط ملامحه :◆بس محبوسه يا صاحبى
- 7وف بدنها ألف علة◆- واحنا مالنا !!
- 8- احنا مالنا إزاى يا صاحبى ..◆دى بتاعتنا
- 9لما نبعد عن عيونها ننكوى حوجة وذلة◆فاكر الجذمة اللى كات لابسها فى حفلة أميرنا
- 10كنا شارينه بعرقنا◆لجل ما يشوفها الأمير
- 11كل واحد قدم اللى قدره ربه عليه◆كنا نطلع كلنا صحبة وشلة
- 12صوتنا كان لحنه لذيــذ◆ياعزيز .. يا عزيز
- 13شمسنا حامية علينا ونفسنا فى حته ضلة◆كُبة تاخد اللى يسجن سندريلا
- 14واشترى لها الجذمة ناسنا الطيبين◆بس صدفة .. صدفة بحته ..
- 15كان مقاسها أربعين !!◆قسموا الأرقام عليهم يوم زفافها وْ
- 16جمعوا النقطة الكبيرة م الغلابة◆واحنا مش لاقين ما بينا
- 17على بابا !!◆كنت أقوله : بس يا مستبيع إنتَ
- 18الحيطان ليها ودان◆سندريلا ملكه وحده وهو حر
- 19لونعيش من غير عيونها إيه يضر◆طول ما قوتنا عندنا
- 20دا لسان العقل بيزعق :◆وطّوا صوتكم ..
- 21صهينوا حبة وحاسبوا◆بكرة رب الكون يحاسبه
- 22كان يقول لى ـ رحمة الله عليه ـ◆والقيود باكية ف إيديه
- 23: أصلك إنت◆لسه ما تعرفش ضحكة سندريلا
- 24يوم ما تضحك تلمح الفرحة يا صاحبى◆من عنيها الحلو هلّة
- 25وامّا تبكى يبقى طعم الدنيا ... !!◆لا مؤاحذة .. دايماً القافيةبتحكم
- 26واللى يحكم تبقى ملكه السندريلا وهو حر◆واللى مات علشان عيونها برده حر
- 27كان صديقى وافترقنا◆اتأسرت ف دنية الخوف الغبية
- 28
أما هوه .. قام جرى للأخرة حر