كيف أوصفك
أنور المشيري10 بيت
- 1كيف أوصفِك وإنتي القصايد والإحساس◆و عيـونك أعذب من خيـالي و كلامـه
- 2وإنتي اللي قدرِك لو بـالأبـعاد يـنـقاس◆شوفي السما و إختاري أبعَد غمـامـة
- 3احبك.. وْمن ما يـحبِّـك في هالناس؟!◆وإنتي اللي ذوقِك ذوق وْحسنِك علامة
- 4تعكِس أنـاقة روحِك بْـقلب حَسـّاس◆وْ تـعطي فخامة ما بَعَدها فـخـامة
- 5إنتي وانا… روح وْ تِـكَمّـلها لأنـفاس◆وْ ما حد يـفرقنـا ليـوم القيـامـة
- 6يالجوهرة وْ يا تاج من عالي الراس◆ما ينزل إلاّ وْ في خفوقي مقـامة
- 7لك ضحكةٍ تمسح على الهَمّ والباس◆لاشفتـها تـرسِم في قلبي إبـتسامة
- 8واقرا عليها من "تبارك إلى الناس"◆وآحصِّنِـك بـآيـات ربي وْ كـلامه
- 9وجهك حبيبي.. و مابعد قلبك أحساس◆وْ شوفك سعود ايام عمري و مرامه
- 10إن جيتي شفت ترابك بعيني الماس◆وإن غبتي وش يملا غلاك ومقامه ؟!