أحب عمري
أحمد الصانع8 بيت
- 1علي أعلَمك لا يشغلك تفكير◆محد يعرف تفاصيلي ترى كثري
- 2عزيز النفس ولي حشمه مع تقدير◆وأنا البحر العميق وهالسما صدري
- 3أنا موسم ربيع وخيمه ونوَير◆وأنا الواصل بعيد وعارفٍ قدري
- 4أنا إللي صار وواجد مايبون يصير◆وكسرت إيدين كل من فكروا كسري
- 5أنا شيَبت بالأفكار يومي صغير◆تخيَل عاد , وش سوّيت في كبري
- 6أنا كانت بداياتي طموح الغير◆وأنا ما ألتفت للي ورى ظهري
- 7أنا معزّب مشاعر وأكرَه التقصير◆أزوّد في شعوري دون ما أدري
- 8أحب الناس وأذكر الجميع بخير◆وعلى فكره أنا : جداً أحب عمري