ولا غلطة
وتد16 verses
- 1ولا غلطه ترا زينك◆وياحظه من ملى عينك
- 2فتنت الناس والدنيا◆وينك عننا وينك
- 3ملامح كنها الغيمه◆وتعطي للنظر قيمه
- 4تبسم تمطر الدنيا◆وتضحك للفرح ديمه
- 5جمالك ماهو بمألوف◆ولا مثله عيوني تشوف
- 6واذا بحكي عن الرقه◆ياخوفي ما الاقي حروف
- 7بعذر الورد لو يذبل◆يشيل بخاطره يزعل
- 8ونور الشمس من خدك◆تجينا بالضيا اجمل
- 9انا احسدها مراياتك◆تشاركني بلمحاتك
- 10عسى ربي يثبتني◆اذا قابلت ضحكاتك
- 11تقفل بك ملف الزين◆ولا في من حلاك اثنين
- 12قمر مابيننا يمشي◆خطفت القلب ويالعين
- 13كلامك بالحكي معسول◆من الله حط فيك قبول
- 14تسولف لي وانا اتبسم◆وارد بهفتي شتقول
- 15أنا اعشقها تفاصيلك◆جنوني عني يحكيلك
- 16 تسيدت الغلا كله◆وكل العمر انا اهديلك