زاهية
نواف الشلهوب8 verses
- 1زاهية كل الحروف من الشعر◆والوصوف من السوالف زاهية
- 2وانتي يا أجمل كثير من القمر◆ودي أنثر لك شعوري قافية
- 3رغبتك تنزل على سمعي مطر◆هاك من عمري سماه الصافية
- 4المشاعر بين أعشاب وزهر◆وإنتي اللهفة تجي لك حافية
- 5يا سما وقت الغروب ويا الفجر◆قد ما أكتب في حسنك راهية
- 6كم لنا وهذي المحبة وش كثر◆من متى وانتي لقلبي شافية
- 7من عمر يومك عمر كل العمر◆أو لأنك دوم فيني عافية
- 8الأكيد انك غديتي لي عذر◆أرجي الخالق أماني خافية