فريد الحسن
نهيان بن زايد ال نهيان8 verses
- 1يافريد الحسن دللتك دلال◆واندفاعي فالهوى اكبر دليل
- 2مايكفي لو بشوفك الف مره◆من جمالك ما ابدل بك بديل
- 3ابتسامك فيه اسرار المحبه◆يامميز بالجمال اللي اصيل
- 4ما افكر في هوى غيرك◆ولكن احتمالي عالجفا اصبح قليل
- 5كيف تهجرني وانا متيم بحبك◆انتظر وصلك نهار ٍ بعد ليل
- 6تسلب المفتون من لحظ العيون◆والفتون يكون بالرمش الظليل
- 7وانت تدري ان لي قلب ٍ مولع◆كم تحمل من عنا الصد الطويل
- 8والعيون اللي جفت طيب المنام◆ع الامل تبقى ولو اصبح ضئيل