يسعد صباحك
نصار الظفيري4 verses
- 1يسعد صباحك يا صباح العيد والله يخرب بيت عدوانك◆اللي حذفوني بآخر التنهيد واللي حرموني شوفة عيونك
- 2ياللي غلاتك كل يوم تزيد قلبي زرعته وسط بستانك◆راعه وشوفه لا يروح بعيد واياك يرحل خارج اوطانك
- 3خله معاك وسوي به ما تريد طيب وكنزه ضمة أحضانك◆احرص عليه وجنبه التهديد وان شفته يرجف غطه باجفانك
- 4لا والله اني اكره التجديد وابيع غابه لخاطر أغصانك◆لكني خايف يا صباح العيد لا غاب عنك تحسبه خانك