البحر بيضحك ليه
نجيب سرور9 verses
- 1البحر بيضحك ليه و أنا نازلة أتدلع أملا القلل◆البحر غضبان ما بيضحكش..أصل الحكاية ما تضحكش !
- 2البحر جرحه ما بيدبلش..جرحنا ولا عمره دبل !◆البحر بيضحك ليه..و أنا نازلة أتدلع أملا القلل
- 3مساكين بنضحك م البلوة ..زي الديوك والروح حلوة◆سرقاها م السكين حموة
- 4ولسه جوا القلب أمل !◆قللنا فخارها قناوي .. بتقول حكاوي وغناوي
- 5يا قلة الذل اللى أنا ناوي ما أشرب ولو في الميّة عسل◆ياما ملينا وملينا .. لغيرنا وعطشنا سقينا
- 6صابريــن وبحر ما يروينا ..شايلين بدال العلة علل !◆والبحر بيضحك ليه .و أنا نازلة أتدلع أملا القلل
- 7في بالي ياما وعلى بالي .. وإللى بيعشق ما يبالي◆ما يهمينيش من عزالي .. يا حلوة لو مرسالي وصل !
- 8والبحر بيضحك ليه..و أنا نازلة أتدلع أملا القلل◆بيني وبينك سور ورا سور .. وأنا لا مارد ولا عصفور !!
- 9
في إيدي ناي و الناي مكسور .. وصبحت أنا في العشق مثل !