البارحة
ناصر بن حمد ال خليفة10 verses
- 1البارحه يوم درب العشق هلابك◆اهتز قلبي على طاريك من شوقه
- 2غنى لك الشعر ولساني تغنى بك◆واهديت لك من لحن شعري وطاروقه
- 3الله يسامح جفاك وكثرة غيابك◆ماكن لك قلب يجري الدم بعروقه
- 4اقفى بك الوقت عن دربي وقفى بك◆وانا اتحرى اللقا تبرق لي بروقه
- 5اجي لدارك واغض الطرف عن بابك◆اخاف من عاذل يحرجك منطوقه
- 6ماودي الناس ياأغلى الناس تغتابك◆والناس ماترحم العاشق ومعشوقه
- 7متى اشوفك واشوف الكون يزهى بك◆وياتي نهار اللقا ونعيش بشروقه
- 8تعال جدد وصالك وافتح كتابك◆وافتح لي القلب افتش بصندوقه
- 9يمكن اني القى عذر واقفل عتابك◆واريح اعصابي اللي كان محروقه
- 10هذا وهو طيف رحب بك وهلابك◆وشلون لو ان اجتمع بيموت من شوقه