الهوى ماطاب
مطلع الشمس10 verses
- 1الهوى ما طـاب لولاكـم◆والطرب ما هزَّع اركونـا
- 2العمر يـا شيـخ يفداكـم◆بوخليفـة قلـب وعيونـا
- 3الغـلا كـلّـه لعينـاكـم◆والمحبَّـة مالهـا وزونـا
- 4ساكنة في العيـن روياكـم◆ما تفارق طـرف لعيونـا
- 5لـو نعـدد فـي مزاياكـم◆تعجز الأوصاف من دونـا
- 6واسعـد الأوقـات ويَّاكـم◆شـي يشرَّفنـا وترزونـا
- 7والحياه وش هـي بليَّاكـم◆مالهـا طعـمِ ولا لـونـا
- 8ما خلق مخلـوق يسواكـم◆وغيركم أبداً فـلا يكونـا
- 9أنتـم الفرحـة ولولاكـم◆ما عرفنـا بهجـة الكونـا
- 10والسموحة ونطلب ارضاكم◆وحبنـا متـوازن اركونـا