العنود
مساعد الرشيدي14 verses
- 1العنود اللي مساء البـارح وانـا سيـد سهرهـا◆اقبلـت مثـل البـيـاض وودعــت مـثـل بـرديـة
- 2المساء ضج بسوالف عطرها واشعل سفرهـا◆والعـروق اللـي روت مسيرهـا خضـر ونديـة
- 3مانشـدت اخـت المهـاه ليامتـى حـزة خـدرهـا◆حـد علمـي يـوم امـد لجيـدهـا شـرهـة ايـديـة
- 4عقـدهـا المـغـرور تــاة بعطـرهـا ولا نحـرهـا◆ساعـة اشــرة علـيـة وسـاعـة يـشـرة علـيـة
- 5كــل مـالـدت عـلـى الـبـال والـعـقـد يـخـزرهـا◆قلـت انـا مانـي خـوي عـادتـة ينـسـى خـويـة
- 6ليتهـا تـدري وعقـد المـاس لويـدري عـذرهـا◆اشهدان الجمرة اللي في الحشـاء منـى وفيـة
- 7مـن سـرت يمـي وانـا مالـي خيـار الا قدرهـا◆كـنـهـا كـــل الـسـنـيـن المـقـبـلـة والأولــيــة
- 8مـن غـدت همـي وانـا مالـي ديـار الا ديـرهـا◆جالهـا بيـن الظلـوع الظاميـة روحــة وجـيـة
- 9جـادل كـل الــدروب المعشـبـة تنـبـت بثـرهـا◆جـت تبـي جـرح وقصيـد وخلـت الثنتـن لـيـة
- 10مـن يحدثنـي حـديـث الثـلـج للجـمـر بثغـرهـا◆والله انـي كنـت نـاوي لـي بهـاك الجمـر نيـة
- 11من نشدهاك الوساع الخرس عن دنياحورهـا◆وش جمع سحر الغموض بسودهاوالنرجسية
- 12الـوكـاد انــي بـشـط الكـحـل غنـيـت لبحـرهـا◆ماحـلا هوسـة هدبهـا والمـسـاء والسامـريـة
- 13من يعلم مستريح الريح عـن فوضـى شعرهـا◆الحريـر اللـي كسـى هـاك المتـون العسجديـة
- 14علمـوة ان مـازح الغـرى ونشـد عـن قمـرهـا◆لايخاف ان شاف ظلما وشاف الشمـس حيـة