جرح السنين
محمد بن عمار20 verses
- 1آآآه أنا عزّي لحالي من شقا جرح السنين◆السنين اللي انقضت من مشكلة في مشكلة
- 2مـشكلة اشـكيها للي اشتكوا له معسرين◆مـعسرين ، وحـالهم مـابين هـم، و بهذله
- 3بـهذله،منها أقـاسي نار شوقي والحنين◆الـحنين اللي إلـي من مّر هاجس،أسأله
- 4أسـأله إن شـاف مـثلي،واحد ٍ جرّ الأنين◆الأنـين اللي بـصدري،نار شوقي تشعله
- 5تشعله طريا الليال اللي مضت لي والضنين◆الـضنين اللي تـنكرّ،عهد حـبي،وأهمله
- 6أهـمله من عقب ذاك الود وموفور الحنين◆الـحنين اللي حـياتي منه صارت،مهزلة
- 7مـهزلة مـادام ربعي عن ظروفي عارفين◆عـارفين بـمركبي يـجنح ولا أحـد ٍعدّله
- 8عـدّله لـو بـالكلام،اللي معه لطف ٍ ولين◆لـين مـن شخص ٍ فهيم ٍ نرتضيه ونقبله
- 9نـقبله،لا صار مبني ٍعـلى العلم اليقين◆الـيقين الـصادق اللي مايجي به غربله
- 10غـربله مـن خـبل ٍ أرعن مايفيد ومايعين◆مـايعين ومـايعاون مـن فـعول ٍ مخجلة
- 11مـخجلة حـاله،بجهله للظروف بكل حين◆حين فيه الرجل صدره ضايق ٍ به من هله
- 12من هله ضايق إلى صاروا جميع ٍ مدركين◆مـدركين لـحالته دايـم وهـو في معضلة
- 13مـعضلة مـادام،من كـل النواحي مربكين◆مـربكين وعـارفين الوضع مااحد ٍ يجهله
- 14يـجهله من هو يطاوع فكره إبليس اللعين◆اللعين !! اللي مـقيّدهم بـقيد وسلسله
- 15سـلسلة أفكار،ما يرضى بها عقل ٍ ودين◆ديـن صـادق بالنوايا ماهو لعب وطهبلة
- 16طهبلة من هو مشى مع غير ناس ٍ مؤمنين◆مـؤمنين ٍ بـالكتاب اللي على أحمد نزّله
- 17نـزّله آخر كـتاب،بدين سـيد المرسلين◆مـرسلين بـشرع ربـي اللي بأمره فصّله
- 18فـصّله،محكم بـآيات ٍ مـع الروح الأمين◆الأمـين اللي على الهادي بوحي ٍ وصّله
- 19وصّـله للناس يـدعوهم هـداة ٍ مهتدين◆مـهتدين لطاعة الرحمن وكل ٍ ب اعمله
- 20ب اعـمله لـو، وزن ذرّه لـه كرام ٍ كاتبين◆كـاتبين الـلّفظ،واللي بالجوارح يـفعله