ودعني
محمد بن عبد العزيز بن محمد12 verses
- 1ودعني أو لا تودعني◆في كل الأحوال انا ساري
- 2ماعاد يمدي ترجعني◆دام الجفا قسمة اقداري
- 3الصمت ما كان ينفعني◆والصبر ماعاد له طاري
- 4وش عاد لو بخسرك يعني◆اخر خطاياي واعذاري
- 5كم كنت اجيلك وتمنعني◆واليوم تنشد عن اخباري
- 6ما قبلك انسان طوعني◆تخطي واراضيك باشعاري
- 7تامر على شي سمعني◆قبل ابتدي هم مشواري
- 8وان كان قلبك يطاوعني◆ابي تحافظ على اسراري
- 9برحل مدام انت بايعني◆برحل ولو كنت انا شاري
- 10لاصار قربك يلوعني◆امنتك الله انا ساري
- 11داري انا البعد يوجعني◆يوجعني البعد انا داري
- 12كم جرح للهجر يدفعني◆اقلها جرح مقداري