حيرتني
محمد بن عبد العزيز بن محمد8 verses
- 1احيان احس اني الوحيد بحياتك◆واحيان احس انك خلي مالك احباب
- 2يا ما شعرت اني معك مثل ذاتك◆وياما لمست انك من الحب مرتاب
- 3حيرتني وشلون بافهم صفاتك◆ترجي وصالي يوم وايام فغياب
- 4اجيك تدفعني لشوفك غلاتك◆واروح عنك شايل الجرح منصاب
- 5انت القريب وكيف هذي سواتك◆فيني عليك من الغلا لوم وعتاب
- 6ما بي اكون بوقت من ذكرياتك◆بعد المحبه ما ابي نرجع اغراب
- 7الله لو طبعك يشابه حلاتك◆الله لو فعلك فعل سود الاهداب
- 8اني لا حقق لك جميع امنياتك◆واهديك كل الحب يا كل الاحباب