المعاني
محمد بن عبد العزيز بن محمد8 verses
- 1لو تشوف المعاني فيك بعض الوصوف . . . امطرت لك بكار الوصف عذب المديح◆لو تحس القوافي فيك والا تشوف . . . ما اعتذر عن مديحك كل قافٍ شحيح
- 2كل ماقلت نايف اطرفن الحروف . . . في سموك تسابق كل حرفٍ مليح◆منبع الجود سولف عن بياض الكفوف . . . اشهد ان اللي قاله عن سموك صحيح
- 3في حماك الوطن فوق الاماني يطوف . . . للوطن ساهر وغيرك منامه مريح◆ماتثاقلت همٍ مسيرات الظروف . . . هيبتك مايزعزعها عدوٍ نزيح
- 4سيدي من تجيله ند تملاه خوف . . . ومن تجيله سند عز الرقى والمطيح◆انت لولاك ماجاء المجد مغرم شغوف . . . وانت لولاك ضاق الكون لو هو فسيح
- 5ياقرب الناس للناس الحنون العطوف . . . بالحشا لاذكرتك كل عرق يصيح◆لاذكرتك براد البال قيض وشعوف . . . منبت البال روض وهب نسناس ريح
- 6ان فديتك رضا ماني عليك معروف . . . لاغمرني رضاك بوجه حظي سميح◆وان فديت زعلك من مكرمين السيوف . . . نسل عبدالعزيز مبجبين النبيح
- 7وان فديتك غلا من غير هرج وحلوف . . . والله انك على عرش الغلا مستريح◆لو خذلني القصيد وخالفتني الحروف . . . ماخذلني شعور ولّو فؤادي جريح
- 8
ليه ما ابخل ياعمي لو في بعض الوصوف . . . في خصايلك يابخت الثنا والمديح