احلى قمر
محمد بن راشد16 verses
- 1دومْ في بالي خيالكْ منْ غلاكْ◆صورتكْ منها تصاويرْ الصِّوَرْ
- 2وينْ ما أنظرْ يقابلني حَلاكْ◆في السِّما في الأرضْ يا أحلىَ قِمَرْ
- 3منْ كثرْ ما اللهْ منْ الفتنهْ كِساكْ◆تنشربْ يا صويحبي لوُ بالنِّظَرْ
- 4قلبي المحرومْ خايفْ منْ جِفاكْ◆مرتبشْ ويدقْ ناقوسْ الخِطَرْ
- 5إنتهْ صِدقْ إنسانْ أوْ إنتهْ مَلاكْ◆لأنْ هذا الزيِّنْ ماهوُ في البشَرْ
- 6ذابحنِّي منْ حلاكْ ومنْ صباكْ◆وتاركنِّي وما لفىَ منِّكْ خبرْ
- 7في شِفاكْ آموتْ ويلي منْ شفاكْ◆شافيهْ ولكنَّها الموتْ الحَمَرْ
- 8والخدودْ اللِّي سناها منْ سناكْ◆كَنِّها زبدٍ يحَوِّطْهْ الجَمرْ
- 9البدرْ لهْ يومْ وإنتهْ في سماكْ◆بدرْ كاملْ طولْ أيَّامْ الشَّهَرْ
- 10لوُ يجيكْ أعمىَ وأصمخْ منْ حلاكْ◆لهْ يردْ السَّمعْ ويردْ النِّظَرْ
- 11ولوُ علىَ ميِّتْ تنادي منْ نداكْ◆ينتفضْ ويقومْ ويخلِّي القَبرْ
- 12ما كفاكْ اللِّي أحسِّهْ ما كفاكْ◆دَمعْ عيني جاريْ وقلبكْ حجرْ
- 13تابعنِّكْ لوُ مصيري للهلاكْ◆روفْ بي مالي علىَ بعدكْ صَبرْ
- 14تخطي فْ حقِّي ولايهمِّكْ خطاكْ◆وأنا لي آجيكْ راجي وأعتذرْ
- 15فاضْ مابي هلْ أنا مبْ مستواكْ◆يا غروركْ أنا منكْ أكبرْ قَدِرْ
- 16يا صغيرْ السِّنْ تاليها معاكْ◆حِلَّها يا بوثمانْ وبو عَشرْ