عزاه يا قلب
محمد بن راشد ال مكتوم10 verses
- 1عزّاه يا قلبٍ شفوقٍ ومشتاق◆متولّعٍ في حبّ زين الوصايف
- 2عليه قلبي دايم الدوم خفّاق◆وينوح له في كل عالي ونايف
- 3خلّي عليه امن التّواصيف ما فاق◆ومن الغزال اللّي يربّ الجفايف
- 4عين العديم اللّي على الكفّ توّاق◆نادر وصقاره عشاه الخفايف
- 5أنا الصّويب اللّي بي اجروحٍ اوثاق◆قلبي يعرّض له حديد الرّهايف
- 6يا ونّتي يسمع صداها بالآفاق◆في مهجةٍ لي وتّرضف حسايف
- 7اموّرد الخدّين دقّه على باق◆عليه شفت أمن العلامه وصايف
- 8والنّور من خدّه كما شمس لاشراق◆ياضي شعاعه تحت شيل الرّهايف
- 9عليه اجاوب ناوح الورق لقّاق◆اللّي ينوح ابعاليات الشّرايف
- 10خلٍّ احبّه من خفيّات لعماق◆واحب ذكر اسمه الى مرّ طايف