من الفارس الملثم الى شيماء
محمد بن راشد آل مكتوم8 verses
- 1ردّي ظلام الليل عن صبح وجهك◆أنا ترى طيفك حرمني منامي
- 2لولا بأنّي خايفٍ سيف لحظك◆إن كان ما جرّدت لاجلك حسامي
- 3طرفك جرحني وهذي آثار جرحك◆ما شفتي أن الدم خرّس لثامي
- 4فتنة صبا ما بين سحرك ونحرك◆وأنا من الفتنة بداني هيامي
- 5همّي أنا أنّي أبى أصير همك◆وأنه يصيبك بعض رامي سهامي
- 6وحلمي من أيام الصبا أن أضمك◆لكن حظّي قاصرٍ عن مرامي
- 7ياليت لو أني أنا ولد عمك◆وانا ترى يا بنت الاجواد سامي
- 8واهلي أنا أهل الكرامه لعلمك◆بس انتي الشوق الذي في عظامي