شبكني
محمد بن راشد آل مكتوم11 verses
- 1شبكني عين مجلود الخصر نجدي◆وروحي منه كنّ الموت يغزيها
- 2وبحر الشوق فيه الجزر والمدّي◆وتيّار الهوى والموج يطميها
- 3وجودي في المحبة كل ما عندي◆ترى الايام تفعل ما تشا فيها
- 4غصون الورد تتعانق من الوجدي◆وتتفارق اذا جفت سواقيها
- 5انا لي حدّ ما اتعدا على حدّي◆حدود الغير ما نطمع بأراضيها
- 6ولو شفت الورود الحمر كالخدّي◆حنين الشوق من لمسي يغذّيها
- 7الا يا مفردٍ بالزين هل يجدي◆اذا عذبت روح انت واليها
- 8كلام العذل لا ياخذ ولايودي◆ولايخلف المودة عن مباديها
- 9اذا داريت روح الحب يا مودي◆ملازيم الوعود الصادقة فيها
- 10تحول احوال في الترحال والشدي◆ودنيا الناس ترسي في مراسيها
- 11ضجيج الشوق خلا البلبلي يشدي◆يجر الصوت بالحانٍ يغنيها