بو خليفه لي يشجعنا
محمد بن راشد آل مكتوم22 verses
- 1في قدوم الهين رحّبنا◆والذي للكاس عانينا
- 2مرحبا يللّي عنيت إلنا◆مرحبا وأهلاً ملايينا
- 3كلّ من شارك ايشرّفنا◆والشّرف والمجد يكفينا
- 4إن نصيت الدّار قاصدنا◆صوبنا يا راعي الهينا
- 5وكان متحدي بتسبقنا◆سبقنا في دارنا امحينا
- 6حاسب احسابك وراقبنا◆ونزّل اشياطينك قبل تينا
- 7الذّلايل تخلف الظنا◆والرّيل ما يضمن الهينا
- 8لا تظنّ ابظنّ من ظنّا◆وعن ظنون الغير نافينا
- 9وان سبقتوا ذاك يفرحنا◆ولا عن التصفيق صخّينا
- 10نعترف باللّى بتسبقنا◆وان سبقناها تقاضينا
- 11كلّ شاعر يبدع إلفنّا◆له مكان أويعرفه زينا
- 12لا يواخذنا ويظلمنا◆منه تزعلنا وترضينا
- 13لي حصل منّه حصل منّا◆إن رضي بالحق راضينا
- 14ولا يظن الدّرب يتعبنا◆لو يطول وياخذ اسنينا
- 15ذاك ما يطفي حماستنا◆في ضيا برّاد لاظينا
- 16توجد السبّق ملايكنا◆كلّ حايل شكلها زينا
- 17م الأصايل كمّ هجّنا◆والخيار الطّيّبه تينا
- 18بو خليفه لي يشجّعنا◆حاضرٍ ويعيد ماضينا
- 19للعلا قايد مسيرتنا◆بالفرح ويعوده اسنينا
- 20هوه لى يحمّس تنافسنا◆والتنافس بين لاثنينا
- 21مجتمعنا بالطّرب غنّا◆وفرحةٍ فيها تلاقينا
- 22في تحيّاتي له المنّا◆طايرٍ باعلا البساتينا