بك هلا
محمد بن راشد آل مكتوم25 verses
- 1بك هلا يا مرحبا ومنّا◆و المرده و التبايينا
- 2بالذّي ردّه على المعنا◆ومن قريض الشعر يوفينا
- 3يا هلا به والف رحّبنا◆عد يوم وشهر وسنينا
- 4أوعدد ما غرّد أوغنّا◆بلبلٍ به صوت لحّينا
- 5يعرف المعنى ويتأنا◆نقوة الدّر المثامينا
- 6سلس بالأشعار شوّقنا◆ومْعنى لبيوت تغرينا
- 7بالنّسب والعزّ مجّدنا◆واحترام واجب اعلينا
- 8كلّ ما يبغيه نفذنا◆نمتثل لامره ومشّينا
- 9كتلاميذه ويدفعنا◆ولمسةٍ منّه تقوّينا
- 10وفي ميادينك تشجّعنا◆للزّمن يبقى لآتينا
- 11يا زعيم القوم قايدنا◆ع زعامتكم تبنّينا
- 12وانت للأمجاد رايدنا◆وبحصانة درعكم فينا
- 13عزّنا لي كان يذكرنا◆وان رفع بالصّوت نادينا
- 14وان أمر في الكاضف أوْ ثرنا◆مثل حدّ السّيف قصّينا
- 15مول ما من شيء يفرقنا◆فرق بين الخشم والعينا؟
- 16سيّدي ياكم يفرحنا◆وافدٍ بخباره إيينا
- 17الفرح والسّعد يغمرنا◆يوم عنكم نسمع الزّينا
- 18ليت من مثلك بيعرفنا◆للصّراحه دوم وافينا
- 19إنته إنته لي تخيّرنا◆ولا عليك ايروم عفّينا
- 20لي عليه الوصف لك غنّا◆كامل وبزينه إيزينا
- 21مثل عود الموز يتثنّا◆عاضديٍّ في البساتينا
- 22نور خدّه برق لمزنّا◆ياضي البرّاق غربينا
- 23كنّ في الوجنه عرق حنّا◆أو عنب عاتق من اسنينا
- 24تكبر إنته في تخيّلنا◆والكبر لله عالينا
- 25لك سلامي عدّ ما غنّا◆عاشقٍ واضنا به البينا