لك عرش وسط العين
محمد الفهد العيسى6 verses
- 1لك عرش وسط العين .. في القلب أوطانه◆متى تجي يازين .. تحتل أركانه
- 2أبكي طوال الليل .. صدك وهجرانك◆وأشكي الهوى والويل .. من نار حرمانك
- 3أذكر ليالي شهار .. والبدر يحمينا◆كم أشعلتني نار .. ذكرى ليالينا
- 4ياقاتل المحبوب .. أحلف أنا بربك◆لا أدري لي ذنوب .. غير الوفاء بحبك
- 5إن كان ذنبي النوح .. والوجد من شانك◆جسمي لضى وجروح .. من سحر أعيانك
- 6أستحلفك بالله .. بالحب .. بالماضي◆عساني أنسى الآه .. وأعيش أنا راضي