خذ من سهر عيني
محمد العبيدالله9 verses
- 1خذ من سهر عيني وعطني من النوم◆خلك تذوق و تطعم النوم عيني
- 2خلك تذوق امن العنا بس لو يوم◆ترحم محبٍ عايشٍ به سنيني
- 3طال العنا بي ما حصل منك مقسوم◆ولا صخف قلبك لقلبٍ حزيني
- 4عمري قضيته بين سجات واحلوم◆وخيط الرجاء عيا بوصلك يبيني
- 5كنك على قربك مع الناس معدوم◆قريب دا ر وكم بينك وبيني
- 6اعطف على اللي من عواطفك محروم◆لو با لعمر مره يهون الحنيني
- 7في نظرةٍ من عينك القلب ملزوم◆ضاق ابعناه ولا لقاله معيني
- 8قلبٍ وفاء لك بالهوى دايم الدوم◆مغليك وش فوق الغلا ياضنيني
- 9ما عاف مما شاف لو قال مظلوم◆صابر على هجرك برجوى تجيني