فتى بني وايل
محمد الأحمد السديري26 verses
- 1يقول من رد الثنا سر واعلان◆باسم الذي بالكون محد خشيره
- 2اهلا عدد ام غرد الورق بالحان◆وعد الجراد اللي تزايد نشيره
- 3اهلا بدر غاص حص ومرجان◆من ماجد خاض البحور الغزيره
- 4عبر بحور الشعر مع كل الاركان◆عقله يصور ما خفى في ضميره
- 5ابيات بافكاره وزنهن بميزان◆واضفى عليهن هالة مستديره
- 6من نور عقله له دلايل وبرهان◆ذكاه من مولاه ما يستعيره
- 7خالد سنام المجد من نسل عدنان◆يسلب فؤاد مخاطبه بتعبيره
- 8ربعه بني وايل بروغات الاذهان◆للمجد سارو بالدروب العسيره
- 9في معركة ذي قار ذر بين الايمان◆اروو مراهيف السيوف الشطيره
- 10صانوا شرف عذرا تسمت بقحطان◆وراحت على فرسان فارس كسيره
- 11بجيوش كسرى فعلهم للملا بان◆كم طاح عند وجيههم من عقيره
- 12واهتز عرشه من عطيبين الاكوان◆من حس رجد خيولهم بالمغيره
- 13ساروا بدرب المجد شيب وشبان◆وسادوا بضرب سيوفهم بالجزيره
- 14القلب لك يا خالد الذكر ميدان◆مودتك صارت لقلبي خشيره
- 15محبتك تمكنت بابن لحيان◆بالقلب مني واستجلت صغيره
- 16منساك لا منساك لو كان ما كان◆ما دام جسمي فيه عقل وبصيره
- 17ياهل الفخر ياهل المروة والاحسان◆وانتم دليل الخير وانتم بشيره
- 18بالسلم سامين وبالحرب فرسان◆والطيب اخذتوا كوثره من غثيره
- 19من دوحة بظلالها عز وامان◆وللملتجي فيها حنان وخيره
- 20يا خالد اودعتك سلام ابن بدران◆للشيخ زبن المنهزم بالكسيره
- 21وقله ترى قلبي من الحب مليان◆والله يعرف البينه والسريره
- 22محبة لبست من المجد تيجان◆تهدي لشبلن ما يذير قصيره
- 23حمد سنام المجد للجود عنوان◆اللي لكم عند الشدايد ذخيره
- 24عليه من ثوب السعد ضاف الاردان◆ثوب من البيضا نسج من حريره
- 25فتى بني وايل وما كاد له هان◆بعزم يهد جبال رأس الوعيره
- 26ابوه عيسى وجده الشيخ سلمان◆الله خلقهم للفضايل بريره