حِلِفْتْ
محمد ابو يوسف18 verses
- 1حلفت بقسوة الفُرْقَهْ◆ما نسيتك حبيبتى ف يوم
- 2يا دنيا ع الدوام سارقه◆سعادتى مبدلاها هموم
- 3حلفت يا قلبى أبنى لك◆بحبى جنه ما فيها دموع
- 4حلفت يا روحى أغنى لك◆وأضمك فى الحنايا ضلوع
- 5حلفت أفَصَّل الغنوه◆وأسهر لك أغنيها
- 6ما غبتى عنى ولا ثانيه◆حياتى موت بتحييها
- 7حلفت بصدقك المعهود◆حلفت بحبك الغالى
- 8يا قلب بكون ما لهش حدود◆وقربك دوم بيحلالى
- 9حلفت يا قمر بيكى◆بحبك باللى كان بينَّا
- 10سألت كل لياليكى◆ليه ضعنا وليه هُنًّا
- 11حلفت أخلى ليلك نور◆ينور سكتى الجايَّه
- 12حلفت بعشنا المهجور◆بلحظه ساكنه لياليا
- 13حلفت أسهر ما نام الليل◆وأحرس ع الدوام اسمك
- 14وأقيد عمرى كما القناديل◆فى قلبى اتوشم رسمك
- 15حلفت وقلت لك كلمه◆سمعتيها ف لحظة حب
- 16دا نتى بالفؤاد عالمه◆يا ساكنه فى شغاف القلب
- 17حلفت بحبى ما نسيتك◆يا غنوايه كما الأساطير
- 18دا يا ما ف قلبى خبيتك◆يا نسايه دا حبك غَيْرْ