تمرد
محمد ابو يوسف27 verses
- 1لمتمردين ( حركة تمرد)◆بلاش تقولى مسلمين
- 2منا مسلم اكتر مِنّكُو◆واكْمِنّى حابب ستالين
- 3سايقين عليّا غِلّكو◆طيب بقى أنا ستالين
- 4وكمان جيفارا وميت لينين◆ومش كل حاجه تقولى دين
- 5طب محْنَا برضو موحدين◆واللى فارقنا عنّكو
- 6إننا متنورين◆أنا نفسى تجمعنا الحضاره
- 7وناخد الحضارة كلها◆دعارتها حتى وطُهْرها
- 8ماهى مصر عايشه عمرها◆قاعد أمون على قلبها
- 9الإزمه ف اللى إحتلها◆وغَيّر تاريخها وفكرها
- 10وسَفّه حضارة شعبها◆عايزين الحضاره والفنون
- 11مش كل حاجه تقولى دين◆ليه إنتو ليه متشددين
- 12يا خلق هو عايزين نعيش◆ما بتفهوش؟
- 13هترجعونا للوراء؟◆إيه ده؟ غباء!
- 14من يوم ما جيتو بظلمكو◆كل يوم رايحين نتوه
- 15واللهْ ما يلزم شرعكو◆غير بوش وابوه
- 16إياك تقول قال النبى◆لكن بحب الأجنبى
- 17وإن جه ف يوم واحد غبى◆يقول زمان الفاتحين
- 18أقول له روح يلعن أبوك◆المسلمين دول بيخونوك
- 19الغرب الحضاره والجمال◆علشان تكونوا زيهم
- 20مليون مُحال◆الغرب حضاره من سنين
- 21من غير هباب◆اللى اسمو دين
- 22أنا مصرى عايش بالمزاج◆ويا اليهودى والشيوعى
- 23إن شالله شيعى◆وبحب دينى بالمزاج
- 24حتى الزواج◆وساعات بكون ثائر كبير
- 25ما يهمنى إنى أعيش◆يا مسلمين يا موحدين
- 26ياللى بجد موحدين◆يا شعب مصر الطيبين
- 27هم دول مين أطلقوا◆على نفسهم متمردين