وحل حالتى
محمد أسامة البهائى24 verses
- 1من يقدر يقتل◆اللى راقد حزينْ؟
- 2اللي ماكفَّ عن بكائه◆طول عمرك ياسنين؟
- 3فين ما أختفي◆يمكن أغيب عن وعيىّ
- 4أو في ضباب العيـــونْ◆تفتحيلى الباب فى السـر
- 5ألقاكى معطره لى المكان◆بريحة الجنونْ
- 6كل مين فينا ملغى◆ينتحب حوالينا النحيب
- 7والسكك فى إيد ِصبيه◆وآدي طريقك يادكر
- 8وافتـــــكر .. إما◆أن تكون نبي زمانك
- 9أو لا تكون .◆شعلل فيَّ النار
- 10ولاففَّ كما الثعبانِ◆حـــواليـن رقبتى ؟
- 11ومين كسر بيباني◆ورمى بجثــتـي
- 12في وحل حالتى؟◆مرةً ، مرتين ، تلاث مرات
- 13ودمع ضلوعك كاتم الصرخات◆وفى كل مرة تقول بعزم
- 14هأصرخ في المرة الجاية◆اللى ما فى مرة كلمتك صدقت
- 15كفيــــــاك نعره كدابه◆أزفت ياصاحبى ساعة الحسم .
- 16كلَّ اللى تترجاه◆تيجي لك الأرض
- 17تاخدك على كفوف الراحه◆باسطه إيدها ومطوعاك
- 18تدوِّن فيــــكَ اعترافاتها◆بخط إيديها
- 19عن معنى المحال◆عن شكل الفكرة
- 20وشكل الرؤى◆بحلق فى كل العيونْ حواليك
- 21ابني لك ممالك عظمى◆ومارس فيها طقسك
- 22شربت ظمأى من إيديكْ◆وصوابعك رشقّت فى ضلوعى
- 23طيرَّت برج العصافيرمن نفوخى◆رحلتْ وأنا ـ من ساعتها
- 24هديت بنيات الحمام◆وببنى فى غابتك عرين .