هاروح للريس
محمد أسامة البهائى35 verses
- 1هاروح للريس◆حاسس بالبرد يــا أما
- 2وبلاد التلج دفـــا◆راجع لحضنك بعد غربه
- 3زادت الرجعه غربه .. وجفا◆وحاسس بشئ من جوانا اختفى
- 4دا الغرب واعر يا أما◆ماعدش بنفس الصفا
- 5ياريتك ماكبرت ياولدى ولا وعييت◆كان فاتك على دراعى أداديك الننه
- 6وكات أمك عليك مطمـئنه◆يبقى اللي عند غيرنا عندنا
- 7وبلادنا يــاولدى تلمنـا◆ولاحدش يغيير طبعنا
- 8رايح فين والساعه مأخره◆رايح فين والمدينه مسكره
- 9مفيهاش غير بالاوى معسكره◆ولا صريخ بن يومين... شوارعها
- 10اللى كانت مزنهره◆قعدت ترجع وترجع وترجع
- 11لحد ما بقيت ورا◆والليل عليك عصي والمقدرة
- 12والمخبرين لازقه بغرة◆لو مسـكوك فى إنصاص الليالي
- 13هايفتشـوك وهايقلبـوك◆وهاياخدوك بيـع و شيرا
- 14ولامين شـاف ولامين درا◆المخبر من دوول بيعلفـوه إفترا
- 15وزى صيـاد الجوابى يصيـد◆اللي عضمُُُُُُُُُُُُُُُُُُُُه ناشف واللى ِِِِِِِِِِِِِِِطرا
- 16مرة أبوك شـافهم لف وجرا◆لاهوا .. راح ع الحج ، ولا أنا.. حجيت
- 17وع اللى جرا لى وأنا في البيت◆ماسـيبش كوم اللحم ويقولوا هجييت
- 18زى عسكر الحرب ولا ، سطوة لانجليز◆داخلين خارجين طالعين نازلين
- 19أيشى مباحث للأموال◆ومباحث للأهوال
- 20ومجسـات على شـم كلاب◆الغرض .، مات أبوك م الأهمال
- 21وكيف أعدل اللى اتعوج بعد مامال◆حسـرة أبوك زى خيبه لاحمال
- 22ماتزيـدش ع الأنجال◆كبـرت ياولدى خلاص واتحسـبت رجال
- 23واخديـن م الصبر شــيمه◆وعـمر مـا هـا يبـقالنـا قيمـه
- 24إلا بـصحيــح لافعــال◆وربـك خـالقنـا فى دنيا كريمـه
- 25بينعـم ويرزق ومواهبــه عظيـمه◆ســتار يــاولدى
- 26بـس تفـهـم الفهيــمه.◆رايح فين ياولدى والمخروبه مسكره
- 27ولسه بدرى على مانرجع تانى من ورا◆الصبح ياولدى هـاروح للريس
- 28لساه كبـيرنا ومفكر إنه كويس◆بدي الصـالح م الطـالح يفهـم ويمييز
- 29هاسـتناه م الفجريه تحت البيت◆عشـان رجالته تمييز ظيط من عيط
- 30وأقوله بالمرة ع المخبرين ونطاط الحيط◆وخيال المآته اللي باع الغيط ... لمعيط
- 31ودمع العين اللي شيلت وحطيط◆بعت عمري عليكو ياولدي و شقيت
- 32هملني ياولد وطالع علينا نهار◆ليه تزيد علي هم القلب نار
- 33حد يقول للنخل ليه يانخل عليت ؟◆ولا يقولو للواطي ليه ياواطي وطيت؟
- 34أنا هاسـتناه م الفجريه تحت البيت◆وشـيلاه شـيلاه ياأهل البيت
- 35
يجى لمعاد وألقانى صحييت.