صرخة
محمد أسامة البهائى32 verses
- 1جوايا صرخة◆تجيب أخرك ياوطن
- 2اصرخ فى خربة◆يسمعها اللى فى عدن
- 3انفخ فى قربة◆تزيد عليا المحن
- 4تلفحنى كوابيس الأبادة◆ويتوه صدايا في الفضا
- 5بطعم اللضا◆عمري انقضا
- 6ومدينتى اللى اشتهيها◆عصية ع المنال
- 7مالناش نصيب فيها◆ياحلم الشاعر بالمحال
- 8يعوف الزمن ويخفيها◆ولساه القلب يتمنى
- 9ياعمر، مل ، يسـتنى◆لسانى فى عميق النوم
- 10وعيلية القوم◆الوطن والدار
- 11حواجز علي أغوار◆متاريس على أسوار
- 12حاطينا فى المنظار◆لا لافته ولا نندار
- 13الجنة ف بلدى .. والنار◆وقلة المقدار
- 14والعصبة والأحرار◆وضحايا الأونيرواه
- 15مصلوب قهر الحديد إسوار◆ياعلة المشوار
- 16عايشين ورا أسوار◆يا أرضى يامؤمنه
- 17الخلق ليه مهمله◆فرعون علي أغلال
- 18جبروته فى الأطلال◆قارون يامكنز مال
- 19مصايبنا م الأهمال◆ياكنوز على أموال
- 20ليه ساكته ع الأحوال◆أمريكا شعلة نار
- 21بجد ولاهزار◆العار بيولد عار
- 22خنقـتنى ليل و نهار◆فى اللقمة جوه الدار
- 23واخدينها باستهتار◆والخطوة بالمندار
- 24ولو فُقنا راح نندار◆أمريكا فى التوابيت
- 25بالأمر . . وبتوقيت◆آخرتها لو فتافيت
- 26هاتفز بينا الأرض◆لابتمويل ولا قرض
- 27إيمان العليل بالفرض◆نموت علادي الأرض
- 28الصخر يصبح ماس◆والزرع قوت الناس
- 29ومدينتى ماتنداس◆لا أمريكى ولا هلاس
- 30لا خوجــا ولاعباس◆مش سهل حكم الناس
- 31يأرضى يامؤمنه◆ياأرض واخده الناس
- 32تتوضا بالأحساس◆لمينا كلنا