تعالوا نشيل الحمل سوى
محمد أسامة البهائى31 verses
- 1تعالوا نشيل الحمل سوى◆ليه كل واحد يبقاله هوى
- 2ويعلا الموج بمركبنــــــا◆ونتـوه وتضيع مآربنـــــا
- 3والعيب لومننـــا فينـــــــا◆مايصحش نعيش على عيبنا
- 4ونمشى طريقنا وشيئ تاعبنا◆مشوارطريقنا واحد ومصيرنا واحد
- 5لافينا محسوبية السيد ولاابن السيد◆اللقمة فى إيدنا نقسمها مابين أتنين
- 6الفرحة اللى نفرحها سـوى فرحتين◆ولو كل واحد مننــا خاف ع التــانى
- 7وحبينا بكره سوى بقلب رجل واحد◆بس الأجمـل نحب بعده بهدف واحد
- 8لــوضمير الناس كويس◆ودفة مركبنا بأيد الريس
- 9هنوصل لبر الأمــــــــان◆من غير مانفرق ولانميز
- 10هتعمّر بلدنا بالمخلصين◆لا أفــاقين ولا ناقصين
- 11ولا ناس نعمل منها فاهمة◆وهما فى الحقيقة مش فاهمين
- 12وطاويط فى جنــــح الظلام◆متخفيين ورا قنــاع الحمام
- 13مستنيين عنينا تغفل ويقوموا◆يرسموا من أوهامهم أحلام
- 14مصر أمانــه وأمانه غاليـة◆بإيدين ولادها رايتها عالية
- 15وكل فجر يشقشق علينــــا◆يطلع بأيدينـــــا أحلى نهار
- 16ويطل النوار على ولادنــا◆بعبير بلدنـا وبخير بــلدنا
- 17آن الآوان ياحرية نمهد لأجيـــــالنا سكتهم◆و نشوف بكره حاضن طريقهم مصيرهم
- 18نديهم عيشة كريمة ونحسسهم بطعم الحرية◆الحرية اللى تبنى البنى آدمين من عز خيرهم
- 19الحريــة للأحــــرار اللى بيصحوا ضميرهم◆وبيخافــــــوا ع الوطن ويحاســـبوا غيرهم
- 20الحريـة ماتعرفش التــــــهاون ولا التقصير◆الحرية للى يشــــاركوا ويصححوا طريقهم
- 21الحريـــــة ماتبصش لغيرك وتبدأ بنفســـك◆هتحقق اللى بتتمناه هتحقق اللى فى نفسك
- 22وخطوة خطوة بالحريـــة هاتقدر ع التغيير◆وآن الآوان ياحرية نمهد لأجيـالنا طريقهم
- 23الحريــــــة إنك تقــوم مع كل فجر تشــارك◆النضال الحقيقى بلدك تبعد عن كل المهالك
- 24وتديها الآمان وتعلى رايتها وتتعب وتغيــر◆ماتعيش ش لنزواتك وبل للمحتجين ريقهم
- 25الحرية تدوا لمصر حريتها وسيبوها تعيش◆ليه أيـــــامنا الحلوة الجميلة تروح ماتجيش
- 26ماتســــبونا نبنى وماتعطلوش بينــا المسير◆أكيد هايجيلنا يوم يجنى ولادنا نتيجة عرقهم
- 27لو ماقدرناش نحب بعض◆ونخــاف على بعض
- 28ونشد من آزر بعض◆فى الشدة والأذمـات
- 29يبقى على الدنيا الســــلام◆لا الغش ولا الخديعـة هيبنــوا وطن
- 30الوطن مايبقـاش وطن إلا بولاد الوطن◆وحنــا ماشـاء الله تمانين مليون
- 31
نِخلص وهـ نلقى المدد من ربنا والعون