بنت الناس اللي تحت
محمد أسامة البهائى24 verses
- 1يسموها مايسموهاش◆يطولوها وماننولهاش
- 2ماتبقاش كلمة وحلم◆وبعد دا كله مانطولهاش
- 3ولا هي الحريه لناس ناس◆والناس اللي شبهنا ملهاش
- 4البحر لوهاج مابيهداش◆والريح في الزوابع مخلاش
- 5وأنت بتعشق بنت خيالك ف الأحلام◆ماشي .. أحلم
- 6وادخل جوا الحلم مرة◆لو طعم العيشة مُـرة
- 7واطلع من أوضة النوم◆لو مافيهاش حريه وقوم
- 8من حبسة زهقك البدروم◆أسكن في السطح العالي
- 9الحريــة بتضيّق ع الناس◆وسكان الأرضي بتتألم
- 10وأقله هاتعرف تتكلم◆تتمتع بطلوع السلم
- 11وإن عرقك هايحر هدومك◆أهي فرصه تتسلي في يومك
- 12تهرب من كتمة بدرومك◆هاتنهج وتريح ...
- 13وهاترجع وتواصل◆وإن نئحت عليك المفاصل
- 14دلكها بأيدك وواصل◆وبلاش تعوصها بتراب الترابزين
- 15والشعبطه ع الجاهزين◆صنف بــاتــا بأبزيم
- 16لحد مايمسحهم الناس اللي تحت◆وأنت لو أرتحت فوق السطوح
- 17وعرفت تاخد نفسك المبحوح◆ماتغرقش في الحلم
- 18وتنسي في طلعتـك للسطوح◆الناس اللي غرقت في الجروح
- 19ولا طالت سما.. ولا شافت سطوح◆وأنا اللي اندبحت أكثر ما أنا مدبوح
- 20لساني بواقي جناح بيفتش ع البناني◆وحرية للخلق بكل المعاني
- 21تبدل هروبنا من كاني وماني◆حكم هروبنا ف النوم إعدام
- 22والبحر لو نامت له نوه ,◆تفردنا الريح قلوع وئام
- 23وساعة مانحس في بعض بالسلام◆البنت اللى اتمنيتها
- 24حقيقة وجيالك أدامك◆حوريه بتشد للحرية