القاضى
محمد أسامة البهائى37 verses
- 1مرمى فى حضنك...... ماتدفيش◆اعشق فيـكى....... وماتحسيش
- 2سايبه عوازل تنهش فيا ... وتنهش فيكى◆وشايفه بعينك مانطقتيش.........كلك طيش
- 3عايزة الجد.......وجد الجد.... ومابدأتيش◆باينه القصة زى الشمس
- 4ومش محتاجه كلام بالهمس◆ولا وشوشه ف ودان الناس
- 5الناس حبَـِيبه كلامها بهمس◆اللى عنـيهـا تشـوفه اليوم
- 6نفسو اللي شــافته بالأمس◆و قبل مايجى اليوم والأمس
- 7ماشيين .. ماشيين .. والسكة◆السكة عذابنا بالممنوع
- 8ممنوع و فى عز ألام موجوع◆حد يخطى في الممنوع
- 9حتى البص عليه ممنوع◆ممنوع يتحاكى بحلم اللمس
- 10حتى اللمس عليك ممنوع◆واضح واضح .. قول مسموع
- 11و يا دوب تتلفت هنا وهناك◆تلئــــــا مصيبة بتستناك
- 12تتنى ف حالك أو تتكووم مش هاتهم◆ومش هايهم عليك .. لجل تهم
- 13في لقمة عيشك لما تيجيبها◆هاتيجى يـــادوب ع القد
- 14وانشالله بطونك ماداقت شبع◆ولا صحييت ضماير شايفاك تتخدع
- 15عيشة .. و مرسومه لك◆زى الصبيةاللى راقدة للجدع
- 16قاعدة ف أرابيزك وأنت بتتخدع◆حاطيين لك سيناريو
- 17بكل تفاصيل الملل◆وكد بالمشــــــاوير ..
- 18عينى عليـــــــــك يادى الجدع◆وحيد في بلد
- 19عمدتها بمليون من كل العمد◆زرعت زرعي وقلعني عريان للسنين
- 20زعقت بعزم مافى هازعق لمين ؟ ولا مين ؟◆توهت وتايه ع الأمل .. من غير أمل
- 21وفى بلاد الغربة◆يا تعيش في قلبـــــــك نار
- 22يا ترجع تاكل زلط◆ويبقى لك كرش من قاعدة البيت
- 23يا تدخل البرايــة◆زى القلم الرصاص النحيف النحيل
- 24اللى محطوط◆ورا ضهره محايـــه تمحى فيك
- 25ويا صبرك وأنت بتتمحـا◆فى عهد المهانة
- 26والاستهانة بكل آدمي بيتولد◆وآه لو عنــدك بنت و ولد
- 27تشوف اللي عمرك ما شفته◆ها ترضى وها تقبل
- 28ما أنت قليل الحيلة◆خليك فى اللى أنت فيه
- 29ها تغرق وها يغرقوك◆وقبل ما تشــنق
- 30هايعلقوك فى قشـــه◆والقشــة هاشة
- 31والهشاشة فى العظام◆طفحت م البرودة والرطوبة
- 32بس طوبى للي عدا ع الهموم◆ولملم فى نفسه
- 33من سكاته فى الهدوم.◆تقولي راضى
- 34أقولك منين يا قاضى ؟ ومن ايــه ؟◆منين ما تحكم بالحكم راضى
- 35مشاكلي مشاكلي◆ونظرة لايخدعك شكلى
- 36أنا المليــــــان لكن فاضي◆وأنت إن حكمت حكمك يا قاضى
- 37احكم بالعدل. .. أحكم بالعدل يا قاضى .◆ولو أنى خايف ... لا ده كمان ماتعرفوش.!!