الشعب موجود
محمد أسامة البهائى19 verses
- 1أنت حاكم ولا جاسوس◆ولا من مس الشيطان ملموس
- 2اتلايمت على مفتاح المغارة .. وبقدارة◆بتفرق على عصابتك القديمة الجديدة
- 3المحظورة اللئيمة كل الغنيمة◆من سجون مصر خدت العزيمة ؟!!
- 4ومن خيبتك رايح بجماعتك للهزيمة◆ومش أى هزيمة .. دى آخر هزيمة
- 5ومن بعدها مش هاتشوفولها ضى◆وبكرة اللى جاى يأكد كلامى
- 6أنا مش صدامى . . ولا شعبك يا مصر أنهزامى◆ماكانش إلزامى تنفرض علينا
- 7وأواعاك تصدق مجيك بأدينـــا◆وأوعاك تصدق إننا قابلين ..
- 8أحنا اللى أجرمنا فى اللى لينا◆وأصبحنا فى كل حقوقنا مجرمين
- 9ومحناش مستغربين ضياع الغنيمة◆لما سرقتوا ثورتنا العظيمة
- 10الطبع غلاب فى أولاد اللئيمة◆كدابين والكدب خاين وخان الحقيقة
- 11والحقيقة الفوضى عمت .. وأدى مُر الحقيقة◆ياخسارة شبابنا البريئة والدم اللى راح ع الحدود
- 12وألف خسارة على حلم الجدود◆بس أنا موجود
- 13وحلمنا بالثورة ممدود◆ياآفاقين وخاينين العهود
- 14شعبنا واعى ومش محدود◆هايكسر الأغلال ويفك القيود
- 15ويعلن للعالم بأن الشعب موجود◆المحظورة اللئيمة كل الغنيمة
- 16بكرة اللى جاى يأكد كلامى◆وأنا مش صدامى . . ولا شعبك يا مصر أنهزامى
- 17محناش مستغربين ضياع الغنيمة◆والموث اللى بلا تمن بتوزعوه على ولاد الوطن
- 18البشاير من وجودكم ماعادلهاش ضى◆كفرتونا فى إيماناتنا وخونتونا لو عارضنا
- 19
جوعتــونا وضيعتونا ومن أفعالكم مرضنا