شطرنج
مجدي نجيب26 verses
- 1يا عساكر خطوه لخلف ..◆وبلاش قدام .. قدامكم نعش
- 2قدامك .. أقدامك خوف◆قصرك ح يدوب في التلج
- 3وف سدرك كلمه بتتمطع .. بتحاول تطلع ..◆لكن في الركن مطب
- 4لو تدخل خاوي الجيب .. حاتموت◆حرك أيامك .. أحلامك .. قدامك نسر
- 5يتمطع وجناحه تابوت◆فارد ع الرقعه حكايه رعب
- 6إحمي عساكرك .. من ألف مطب◆أنا شايف بنادقهم ورصاصهم قش ف قش
- 7وعيونهم .. بتحاول تتغلب على حزن الغلب◆ويا حسره .. عيونهم بتحاول لكن بتشيب
- 8حتى خطاويهم .. في علم الغيب◆دخنت سجارتي ودخانها سحابة جبن
- 9خايف أرجع مهزوم .. وباجر على كتافي القهر◆- الخوف مش عيب
- 10- إن كنت تخاف من بلدك تبقاش لعيب◆إلعب غوط .. غيب
- 11إحلب عناقيد الغيب◆حرك فيلك .. على شط النيل
- 12- قدامك بحر ..◆لو عديته .. ح يركعلك طول الليل
- 13ويدلدل عناقيده نجوم .. وتمص الشهد◆وإن خفت ..
- 14حاتضيع الأرض◆- على فين بتوصل رقعة شطرنج ..؟
- 15- الشاطر يعرف ..◆بس ما يطلعش البرج ..
- 16دا لأن الأمريكا العظمى لسه واقفه فوقيه◆على فين بتوصل رقعة شطرنج
- 17الشاطر يعرف ..◆والعاجز يسأل
- 18إسأل ده ..◆- مش عارف ..؟
- 19طب غيره .. غيره .. وغيره؟!◆آه .. يا عجزه ..!؟
- 20لفوا الرقعه السودا◆حاتلاقوا السنانير .. غامزه
- 21لكن ناقصه الإيد اللي تشد الخيط◆شيلوا قتلاكم من فوق كتفي المشلول
- 22دا لإمتى حافضل شايل قتلاكم ..؟؟◆غموا عيونكم بالليل .. والويل
- 23لما أجري وسطيكم بحصاني الأصلع◆بحصاني المنزوع الريش
- 24إحموني بكلمه تعيش◆مش رايح أكش ..
- 25لو تغلب مش عيب◆لكن دا العيبه تكون لعيب
- 26
وتشيل في ضلوعك نعش ..