وحيد عصره
مانع سعيد العتيبة10 verses
- 1والله انا ما اتابع اللال ..◆اتبع موارد فايض الرّي ..
- 2اهناك وين الزين يختال ..◆بدرٍ ونوره ينوّر الحي ..
- 3غرٍّ بثوب الزين يختال ..◆اذا ظهر يسترسل الضي ..
- 4عوده يجر القلب لي مال ..◆يمشي دجر ويتابع الفي ..
- 5غزال يتبع روس لتلال ..◆تحت اجدمه صار الثرى حي ..
- 6وحيد عصره ماله امثال ..◆من الحسن قد حاز كل شي ..
- 7بيني وبينه عهد لا زال ..◆وياه امشي بمهمه الغي ..
- 8الحب ندري ادروبه اطوال ..◆ونحنا انتمشى ابدوب وشوي ..
- 9عليه وحده افسر الحال ..◆فيده الدوا وبإيده الكي ..
- 10تبنى عليه احلام وامال ..◆حبه غدالي الزاد والمي ..