راعي الزين
مانع بن سعيد العتيبه10 verses
- 1النجمه اللي على كبد السما بانت◆بأسمى ألاماني غدت تغفى على خدّك
- 2زانت حياتي ودنيا عاشقك زانت◆يا راعي الزين حزت الزين من قدّك
- 3مشاعري فيك طول العمر ما هانت◆مكانها معتلي في منزلة ودّك
- 4لو تسقط السبع فوق السبع ما خانت◆ما دام قلبي لطول العمر في يدّك
- 5لجلك احاسيس قلبي للغلا صانت◆اتفضل الروح كان القلب ما سدّك
- 6لك المحبه حبيبي مثلما كانت◆ولي قلب والله لا ردّك ولا صدّك
- 7اقلوب ياما من اسباب الهوى عانت◆وانا استمد الوفا والطيب من عندك
- 8فرصة علاج العشق لاهل الهوى حانت◆جد لي بوصفه ومد القلب من مدك
- 9أقسى الخوافق متى ما شافتك لانت◆تكسب بطيبك وصدقك كل من ضدّك
- 10محبّتك ناضلت للحب واتفانت◆يا بانياً بالوفا سورك على حدّك