مذهل
مانع بن سعيد العتيبة11 verses
- 1مذهل ان قلت مذهل بين كل الأنام◆يتعب الحرف عندي ان بغيت اشرحه
- 2أدخل القلب حبه في فياض الغرام◆وانتثر نبض قلبي مثل ما المسبحه
- 3حب في وصفه الطاهر لقيت المرام◆عاش في صدر لا هانه ولا يجرحه
- 4شع نوره كأنه بدر ليل التمام◆كل مخلوق في وجه الثرى يلمحه
- 5يا سلامي عليه وهوه كله سلام◆فاق مدحه محبي كيف انا بمدحه
- 6بين قلبين قاد الحب والانسجام◆بالوفا عاش في دنياه ما أوضحه
- 7فاتح له فوادي ما يبا له كلام◆واقسم اني لغيره مستحيل افتحه
- 8تستمر الحكايه عام من بعد عام◆نجمع الحب فينا والزمن يطرحه
- 9له بدايه جميله مالها من ختام◆كنز عمري وانا اللي في الحياه اربحه
- 10مرت أيامنا الحلوه مرور الكرام◆مسرع الوقت يمضي غير لي نطمحه
- 11بس فينا العزيمه وانتقدم أمام◆وان حصل ما يعكر صفونا نمسحه