يا غريب
لفى الهفتاء30 verses
- 1إي بالله إنـك غـريـب وبـيـن نـاسـك غـريـب◆مــا دام مــا عـيّـن أحــدٍ فـيـك منـهـم ثــواب
- 2عيَّبـت بالوقـت بـس الوقـت مــا فـيـه عـيـب◆تلقى لهـا مـن عقـول النـاس بـــاب وجـواب
- 3أنــت الــذي جبتـهـا يـمـال شـيـن النـصـيـب◆واظـنّ مـا عــاد يـمـدي لــو تعـيـد الحـسـاب
- 4عـرفـت وش مقـصـدك لا تحسبـنّـي مـريـب◆لوّك سرقت الكحـل مـن عيـن زيـن الشبـاب
- 5تـريد حـضـرة جـنــاب وتحسـبـنّـك تـطـيـب◆عـاد ابشـر بكلمـةٍ مـا هـي بحـضـرة جـنـاب
- 6حلت بحلالك علـى مقطـان مـا هـو خصيـب◆والوقـت لـك حــدّ شلـفـا مـثـل شلـفـا ذيــاب
- 7والله واعــرف المهلـهـل مــا يخـلّـي كـلـيـب◆وإلا انت خلّيت من دون الصواب الصـواب
- 8العـيـب يــا مـحـتـرم بمْـقـيـط وإلا الـجـذيـب◆يـوم انكسـر ناظـرك بيـن العجـب والعجـاب
- 9خذهـا نصيحـة وانـا مانـي باخـوك القـريـب◆لا تـفـتـح بـقــلّ عـرفــك للمـشـاريـه بــــاب
- 10لا تستـهـيـن بقـضـيـة كـــان عـقـلـك لـبـيــب◆الله مــــن هــقــوةٍ راحــــت بــذيـــبٍ وداب
- 11لا بــدّ مــا شـمــس ابـــن آدم بـيــومٍ تـغـيـب◆جــا مــن تــراب ومــردّه بـعـدهـا لـلـتـراب
- 12غصنٍ لـيـان وليـانـه لــو يـطــوّل .. ذهـيــب◆يعمـر عـمـار وعـمـاره لــو يـطـوّل خــراب
- 13الوقـت شيخٍ عقـيـمٍ مــا يـجـي مـنـه صـيـب◆لا يذبـحـك سـيــف نـيّـاتـك يـمــال الـذهــاب
- 14ما هو لجرحك طبيب إن كان جرحك عطيب◆قد راح في نوت عـن عيـن العواجـي عقـاب
- 15تــوّك بـسـنّ الشـبـاب وفـيـك بــان المشـيـب◆والعـلـم بـيّـن لـنـا مــا فــوق كـفّـه خـضـاب
- 16مـن فـاتـرات الجـفـون وضافـيـات السبـيـب◆ظامي وتـارد علـى المـاء بـس تـارد سـراب
- 17لا تعترضك الهبايـب وانـت غصنـك رطيـب◆خذها خلاصـة خطيـبٍ جـاد حبـك الخطـاب
- 18لا شفـت فـوق الجـبـل ذيــبٍ بتسـمـع قنـيـب◆إنـزل تحـت كـان مــا تقـنـب قنـيـب الـذيـاب
- 19تسـلـم يــدٍ لـجــل راعـيـهـا تـهــدّ الـحـزيـب◆ورجـلٍ بعـد لـجـل راعيـهـا تـشـقّ الـرغـاب
- 20في ســــاعةٍ للفــــنا فــــيها مقــــامٍ رهــــيب◆ما يحـــكم إلا شـــبا ســـيفٍ صـقيل النصاب
- 21يســـلّه الطـــيّب القـرم الجـــسور العــــريب◆تقـــول مفجـــوع في ذلّ اقـــصراه القـــراب
- 22لا مادت الحرب بنــتٍ في نحـــرها صــليب◆وفلّت ظفـــاير شعرها واقصـــدتها الــركاب
- 23ما للحـمل غير شقـــران وشعـــيل وهـــديب◆تبــــرك لـــه وترتكـي بظهـورها ما تـــهاب
- 24مـا ينقطـع مـن حـبـال الـعـز حـبـلٍ قضـيـب◆إلا مــن ايـمـان مــن لا يحـتـمـون الـمــراب
- 25وأرضٍ جديـب وثراهـا مـا يخضّـر عسـيـب◆مــا طــاب للشـاربـة مــن عاليَتـهـا شـــراب
- 26ومـن لا يــدوّر طلـيـب ولا يـوقّـف حـريـب◆مـن دمّــه الـيـوم تــروى بـاتـرات الـحـراب
- 27مهمـا رمـى رميتـه مـا طـاح منـهـا صـويـب◆غـراب مـا حـام مهمـا حــام حـومـة عـقـاب
- 28مـا هـو صحيـبٍ يسـرك فـي نهـارٍ عصـيـب◆حتى ايش لو هو برد كــبدك بحلو الرضاب
- 29يفجعـك فجعـة ابـن هـدلان فـي مـوت ذيــب◆وقل وقتها وانت واقـف ويـش ودّى وجـاب؟
- 30عسى يجي لـك علـى مـا قيـل حـظ ونصيـب◆من بعـد مـا هـو ذهـب مبطـي يمـال الذهـاب