خشف ريم
لفى الهفتاء15 verses
- 1ويسعد الله صباحك يسعد الله مساك◆يا خشف ريمٍ من التحنان جيت أسألك
- 2بالله ليه التنائي من يديني خذاك؟◆وأصبحت صعبٍ بعد ما كنت مستسهلك
- 3أوّاه لبّى ثراك أوّاه لبّى سماك◆وشلون أشوفك وأنا عجزت لا اتخيّلك
- 4أغليك لكن عسى الله ما يبيّن غلاك◆وأكبر دليل : أرسُمك وأقوم وأقبّلك
- 5أحييك وأحيا معك وأفنيك وأفنا وراك◆وأجفاك وأوصلك وأزعل منك وأزعّلك
- 6أموت فيك وعليك ومنك وأدمح خطاك◆وأذكرك وأنساك وأسلا عنك وأشتاق لك
- 7يلومني فيك من هو ما تنفّس هواك◆ولا على موعد العشّاق يستعجلك
- 8يا سيّدي لا تلوم الغيّ يوم احتواك◆عساه من آخرك يقدر يجيب أوّلك
- 9ساعة قباب الذهب ضمّة غصون الأراك◆من علو صدرك ونادى لليان أسفلك
- 10سال الندى من على جيدك وقبّل شذاك◆حتى ترائبك غارت من عطر مغزلك
- 11والثوب الأحمر يثير الصمت يومه كساك◆وسجنجلك مات فيك وهوّ يتأمّلك
- 12كلك حلا جلّ من كمّل بعيني حلاك◆الزين من منهلك والسحر من منهلك
- 13صوتك، سوالفك، طبعك، معدنك، مستواك◆تعجز حروف الثنا لا جات تسترسلك
- 14فداك قلبي وما في وسط قلبي فداك◆يا من عن أزهار غيرك شاقني حنظلك
- 15خذني ملك ما يدوّر غير لاما ملاك◆والله يجيب الملاك اللي عشقها ملك