حسبي الله على ورقا
لفى الهفتاء8 verses
- 1حسبي الله على ورقا على الدوح الموالي تجاوب ورقا◆ضيّقت صدري وضاقت على غفلة عيون الخليّ آفاقي
- 2لين ما اطلقت من بالي طيور العاطفة في سفوح المرقا◆وابتدت قصةٍ تحوي معاني سيف صبري وجرح اعماقي
- 3آه يا عهد حبٍ قد خلا بيني وبين الهنوف الطرقا◆راحت وما بقى إلا طيفها شمسٍ تعانق صباح اوراقي
- 4كلما قلت في بكرة أمل صبح اللقا طال ليل الفرقا◆لين ما شفت قلبي مجدبٍ بالياس يرقب ربيع احداقي
- 5كم على شوفها العين استهلّت دمعها والفؤاد امْعَرقا◆ليتها جات تطفي من نسايمها لقا يوم.. نار اشواقي
- 6جادلٍ غشمريّة حبها بحرٍ واحاسيس قلبي غرقى◆حسنها يوسفي واخلاقها مرموقة ومستواها راقي
- 7أتذكّر ما مضى يوم اسقت الخدّ الحمَر فالدموع الزرقا◆قالت اخلف هقاويّ الزمن دونك وشانت يا لفاي اخلاقي
- 8قلت وانتي سما عني بعيدة كم بغيتك وحاولت ارقا◆للتلاقي عملت اللي عليّ اليوم وانتي عليك الباقي