السعة والضيق
لفى الهفتاء10 verses
- 1يا خوك لو تبّع الأقوال من تبّع◆عن بيرنا شف حبال القوم منجبعة
- 2جعل الدوا من خلال الداء متنبّع◆لا من قضى المرء في شيٍ مهو تبعه
- 3خلك من الصمت دون الهرج متشبّع◆مثل عرينٍ تخاف الناس من سبعه
- 4عن كل ضبعٍ يجيك اليوم متسبّع◆جنّب ترى لو زأر يبقى ولد ضبعة
- 5قول السعة من ورى تاكي ومتربّع◆بالضيق ما صار من قوله ولو ربعه
- 6في مرتع الغيّ سايح بال ومربّع◆والغيّ ما يغري أحدٍ من قبل نبعه
- 7تقول هذا كليبٍ قاتل التبّع◆الجان تخدم عليه ملوكه السبعة
- 8لو كان في كل طبعٍ زين متطبّع◆لا بدّ ياخوك ما يرجع على طبعه
- 9هذا يبي الصيت إثر الصوت لا زبّع◆عجز عن القوم ثم عوّد على ربعه
- 10لو يشبعه طايل الأموال ما شبّع◆عن عزة النفس ما لحدٍ ترى شبعة