الأمل قبلة أمل
لفى الهفتاء18 verses
- 1بين تكبير ألـف بائـي وتهليـل قلمـي◆اقبلت يمّـي أمـل والأمـل قبلـة أمـل
- 2ما تسمّت غير بالنور لـو مـا لـه سمـي◆يوم قالت : حي أبو من على المسرى صمل
- 3قلت : يا لبيّه والشعر يقطـر مـن دمـي◆في قصيدة عاطفيّة على (بحر الرمل)
- 4احفري فوق أرضها يا يدينـي واردمـي◆علّها تهمل قدا واحـدٍ مـا هـو همـل
- 5قصةٍ عاشت بقلبي ويرويها فمي◆في عيوني حسنها كاملٍ لو ما كمل
- 6شعرها ليـلٍ حديثـه فريـد ومبهمـي◆لفّ وجهٍ من ضياه ألف بـدرٍ مكتمـل
- 7الجفن مكحول والرمش سيـفٍ حضرمـي◆والعيون أقرأ بها من سحـر بابـل جمـل
- 8والـلآلآ فـي ثغرهـا تضـمّ العندمـي◆منه منهل كوثرٍ يودع الناهل ثمـل
- 9هالةٍ قلت: احكمي بالمحبّة واظلمي◆يوم كلّن جاء يريد (الجمل فيمـا حمـل)
- 10بس ما غيـري لهـا مستهـام ومغرمـي◆لو عليها شفت قوم الهوى كثـر النمـل
- 11لو وراها يرخصون الذهـب والدرهمـي◆سمّعتهم قولة : (الباب ياسـع لـه جمـل)
- 12يوم رامت هامتي وامسكت في معصمـي◆ما حسب قلبي ولو جرحه الدامي دمل !!
- 13دون تمثالٍ مـن الغـي عانـق محزمـي◆قالت : الليلـة لعينـي تحمّـل واحتمـل
- 14بعد ما علّ المطـر كـل عـودٍ دمدمـي◆بارك الله فـي محـبٍ عليهـا مـا زمـل
- 15آه يا غصـنٍ معـذّب فـؤاد الضيغمـي◆والهوى قبله كسر ظهر سلطـان الشمـل
- 16يا أمل في حال منهو يضاهيـك احكمـي◆يوم ما اسقى عاتقك غير دمعي لا انهمـل
- 17فدوتك مهجة غريـبٍ لـدارك منتمـي◆فيك يا ذات الأمل من بعد ياسـه أمـل
- 18في بقاعك قلت يا نفس صلّـي واحرمـي◆لو تلحّق فوق نعمَ العمل .. بئسَ العمـل